Косовските Срби го условуваат изборот на Тачи за претседател
Изборот на лидерот на Демократската партија на Косово (ПДК) и актуелен вицепремиер и шеф на дипломатијата, Хашим Тачи за нив косовски претседател се искомплицира, откако коалицијата Српска листа ја услови својата поддршка на изборот со исполнување на пет нејзини барања, јави дописникот на МИА.
Како што објави електронското издание на приштинскиот весник „Експрес“, коалицијата на косовските Срби најави дека доколку не бидат прифатени нејизните барање, пратениците на Српската листа нема да присуствуваат на собраниската седница за избор на претседател, што ќе значи и оневозможување на самото гласање.
Според весникот, петте барања на Српската листа се поврзани со исполнување на договорите постигнати во Брисел за време на разговорите меѓу Приштина и Белград.
- Не се знае дали е технички можно исполнување на овие барања во текот на денов. Но, можеби овие барања и не се толку значајни, туку овој чекор на Српската листа е само со цел да се долее бензин врз и онака зовриената состојба во земјата, наведува весникот.
Весникот додава дека синоќа претставниците на Српската листа имале нколку средби во Косовска Митровица, на кои се зборувало околу денешната седница на Парламентот и изборот на Тачи за претседател.
Ново на Сител
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел