Косовскиот премиер сменил српски министер бидејќи го придружувал Марко Ѓуриќ
Косовскиот премиер Иса Мустафа го разреши од функција министерот за администрација и локална самоуправа Љубомир Мариќ, еден ден по посетата на директорот на Канцеларијата за Косово и Метохија при српската Влада, Марко Ѓуриќ на Косово.
Пренесувајќи ја веста, порталот Албеу додава дека Мариќ е разрешен бидејќи го придружувал Ѓуриќ за време на „нелегалната посета на Косово“.
Инаку, вчера попладне од канцеларијата на Мустафа испратија соопштение до медиумите во кое стои дека се разрешува Мариќ и на негово место е именувана Мирјана Јетвиќ, досегашен заменик министер во Министерството за труд и социјална работа.
Во соопштението се наведува дека одлуката за разрешување и именување била донесена во консултација со претставници на Листа српска во косовскиот Парламент.
Ѓуриќ вчера престојуваше во северниот дел на Косовска Митровица иако не му беше дозволено од страна на косовските власти. Косовските медиуми наведуваат дека тој наводно пристигнал со амбулантно возило.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија