Косовскиот премиер повика на максимално внимание за да се избегне целосно затворање на земјата
Косовскиот премиер Авдулах Хоти ги повика граѓаните на максимално внимание и солидарност, со цел да се избегне целосно затворање на земјата поради епидемијата на Ковид-19, јави дописникот на МИА од Приштина.
Хоти претпладнево преку својата страница на Фејсбук предупреди на нов бран на пандемијата и нагласи дека институциите во Косово ги преземаат потребните дејствија за соочување со порастот на бројот на заразени.
Зголемувањето на капацитетите за тестирање на сомнителните случаи, планот на Клиничкиот и универзитетски центар на Косово за активирање на дополнителни болнички кревети во приштинската и регионалните болници, зголемената контрола во училиштата и редовна седмична комуникација со меѓународните партнери, се дел од мерките за справување со здравствената криза кои ги набројува косовскиот премиер.
-Меѓутоа, потребно е да покажеме максимално внимание на работа, во училиште, во бизнисите, на улица и во секоја активност која подразбира собирање на луѓе. Треба да се има разбирање за да се избегнат сите јавни собири од секаква природа, како што препорачуваат Министерството за здравство и Националниот институт за јавно здравство на Косово, порача Хоти.
Бројката на активни случаи на Ковид-19 моментно во Косово изнесува 1.485, со тоа што само во последните недела дена таа е зголемена за околу 300. Од појавата на епидемијата, според последните официјални податоци, евидентирани се 16.754 носители на вирусот, од кои 14.617 се излекувани, додека 652 починале.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок