Косовска полиција: Состојбата на северот на Косово е мирна
Состојбата во северниот дел на Косово, населен со мнозинско српско население, и покрај напнатата атмосфера која владее деновиве во пресрет на денешното гласање во Собранието за формирање војска на Косово, утрово е мирна и не се забележани никакви проблеми, јави дописникот на МИА од Приштина.
Портпаролот на Полицијата на Косово за северниот регион, Бесим Хоти, за порталот „Газета Експрес“ изјави дека полицијата си ги извршува своите редовни задачи и не очекува некакви проблеми.
– Добро е и мирно, нема никакви проблеми. Ситуацијата е мирна. Не очекуваме да се случи нешто несакано. Полицијата си ги извршува своите задачи, изјави Хоти.
Утрово северниот дел на поделениот косовски град Митровица, населен со мнозинско српско население, осамна покриен со српски знамиња, како одговор на славеничката атмосфера кај косовските Албанци пред денешното изгласување на војската нна Косово.
Собраниската седница, на која ќе се гласа за законите со кои сегашните Безбедносни сили (ФСК) практично се трансформираат во Војска на Косово, е закажана за во 10 часот, а најавени се и неколку манифестации за прослава на тој чин.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење