Координација на пратеничките групи пред гласањето за новата влада
Претседателот на Собранието Талат Џафери вечерва даде половина час пауза на седницата на која се води расправа за изборот на новата влада и ги повика координаторите на координација за завршниот дел од седницата, по кој треба да се гласа за владата.
-Давам пауза од половина час и ги повикувам координаторите на пратеничките групи на консултации за последната рунда од четири говорници, за да се затвори циклусот на говорници и завршни зборови на мандатарот. Со тоа по паузата да ја затвориме дискусија по односното прашање. Продолжуваме во 21:45 часот, рече Џафери.
Во денешниот дел од расправата, како и во текот на вчерашниот ден, опозициските пратеници посочија дека новата влада само ќе продолжи по неуспешните стапки на претходната, која ја следеа корупција, криминал и скандали. Таа нема легитимитет и потребни се нови избори. Пратениците од власта пак сметаат дека досегашната влада мошне добро се справила со досегашните предизвици, а од новата очекуваат уште повеќе работа во интерес на граѓаните и државата.
Собраниската расправа за избор на нова влада почна вчера. Расправата може да трае најмногу два дена, а за изборот на владиниот состав се гласа по нејзиното завршување, односно најдоцна до вечерва на полноќ. Владата е избрана ако за неа гласаат мнозинството од вкупниот број пратеници во Собранието.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово