Македонија
5. September 2019 - 9:02

Контингент на Армијата ќе учествува на вежбата „Syber Junction 19”

Во Касарната „Јане Сандански“ во Штип, денеска ќе се одржи церемонија на упатување на контингент на Армијата на Република Северна Македонија на вежбата „Syber Junction 19”.

На церемонијата по тој повод  ќе се обратат министерката за одбрана Радмила Шекеринска, заменик началникот на ГШ, генерал мајор, Азим Нуредин и заменик шеф на мисијата на САД, Џенифер Литлџон, а ќе присуствуваат претставници и од Канцеларијата за одбранбена соработка на САД.

Вежбата „Syber Junction 19” ќе се реализира во СР Германија и е во организација на Командата на копнените сили на САД за Европа (USAREUR). Вежбата е една од најголемите вежби оваа година која ќе се реализира во Европа и на истата ќе има учесници од повеќе од 20 партнерски земји. Армијата на Република Северна Македонија, ќе има значајна улога на оваа вежба на која ќе учествува со една пешадиска чета од Здружената оперативна команда и еден вод од Полкот за специјални операции.