Македонија
25. December 2017 - 16:26

Констатирани оставките на осумте членови на ДИК

Претседателот на Собранието Талат Џафери, на пленарна седница ги констатираше оставките на осумте членови на Државната изборна комисија (ДИК), по поднесеното лично барање од членовите.

Како што е познато оставки поднесоа членовите од редовите на експертите: претседателот Александар Чичаковски, потпретседатело Реџеп Прекопуца и Атанас Урумов; Игор Милев и Виолета Дума предложени од СДСМ; Сашо Срцев и Силвана Бонева од ВМРО-ДПМНЕ и Субхи Јакупи од ДУИ.

Во моментов ДИК има само еден член Ермира Асани Салија, од редовите на БЕСА и не може да работи и заседава бидејќи нема кворум.

Оставките во ДИК следуваа откако изби скандалот дека тие си делеле бонуси за време на изборите. За локалните си поделиле по четири плати како бонуси, за парламентарните лани во декември пет, а во април за изборите што се одложија си поделиле по три плати.