Конкурси за поезија и плакат во рамки на „Сто илјади поети за промена“
Манифестацијата „Сто илјади поети за промена“ во соработка со здружението „Контекст - Струмица“, распиша поетски конкурс за годинешното издание на фестивалот.
До 23 септември авторите со по една песна може да конкурираат со социјално ангажирана поезија на теми поврзани со промените, глобално и локално. Истовремено, манифестацијата распиша и конкурс за дизајнерско решение на постери/плакати што ќе бидат дел од групната изложба во рамки на фестивалот.
Пристигнатите творби ќе ги разгледуваат комисии. Избраните песни ќе бидат застапени во зборникот „Сто илјади поети за промена“ - Македонија, кој ќе биде објавен во рамки на манифестација, а дизајнерските решенија ќе бидат претставени на изложба на 30 септември, информираат организаторите.
Авторите треба да ги праќаат песните и дизајнерските решенија на Фејсбук-страницата на оваа манифестација или на електронската адреса: poetizapromena@gmail.com.
Манифестацијата „Сто илјади поети за промена“ е меѓународна, за оваа година се најавени учесници од САД, Германија, Косово, Бугарија, Србија, меѓу кои и еден од автор кој беше номиниран за Пулицеровата награда за литература.
Оваа година ќе опфати повеќе од 500 настани во над 100 земји во светот. Во Македонија манифестацијата е поддржана од Општина Струмица.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово