Свет
10. December 2015 - 8:55

Конгресот на САД ќе разгледува продолжување на финансирањето на федералните органи до 16 декември

До Комисијата за државен буџет на американскиот Претставнички дом е доставен предлог-закон со кој се превидува продолжување на финасирањето на федералните институции во САД за уште пет дена, односно до 16 декември.

Според најавите, Претставничкиот дом ќе се произнесе по Предлог-законот во текот на денешниот ден.

Во американскиот Конрес во тек се преговори за усвојување на закон со кој ќе се одвојат 1,15 билиони долари за финансирање на федерлните институции во САД до септември идната година. 

Крајниот рок за усвојување на овој закон истакува утре, па затоа сега е прделожен нов законски предлог за времено финансирање на Администрацијата до 16 декеври, со цел да се даде дополнително време за изнаоѓање компромис.