Конференција „За општество ослободено од корупција“
Конференција на тема „За општество ослободено од корупција“ денеска ќе се одржи во Скопје во организација на невладините организации „Цивил“ и „Зелена лупа“. На конференцијата најавено е обраќање на премиерот Зоран Заев.
Организаторите како учесници ги најавуваат и заменик министерот за правда, Оливер Ристовски, кој се очекува да ги претстави владините постапки поврзани со новиот предлог закон за антикорупција. Розета Трајан, генерален секретар на Секретаријатот на Државната комисија за спречување на корупцијата ќе говори за искуствата во борбата против корупцијата.
Ќе говори и активистката и експертка за човекови права, професор Мирјана Најчевска, како и Ване Цветанов, претседател на Зелена лупа,
Конференцијата ќе ја води Џабир Дерала, претседател на ЦИВИЛ, кој ќе говори за корупцијата во изборните процеси и политичката култура на корумпираното општество.
Конференцијата ќе биде можност на едно место да се видат највисоките претставници на Владата, експертската заедница, институциите и невладините организации и да разменат ставови за корупцијата.
Целта на конференцијата е да се иницира создавање јавен простор во кој прашањата поврзани со корупцијата ќе се дискутираат во континуитет, со учество на пошироката јавност во интеракција со релевантни претставници на различните владини сектори, граѓански организации, институции и експерти. Поканети се претставници на медиумите, граѓанските организации и институциите, како и претставниците на меѓународната заедница.
Конференцијата е дел од проектот „Граѓанките и граѓаните за слободно општество“, поддржан од Министерството за надворешни работи на Сојузна Република Германија.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри