Конференција за енергетската сигурност
Министерот за економија Дритон Кучи денеска се обрати на конференцијата „Енергетската сигурност и предизвиците на животната средина во земјите од Западен Балкан, случај-Македонија“, што се одржа на Универзитетот на Југоисточна Европа во Скопје.
Кучи појасни дека со потпишување на Договорот за стабилизација и асоцијација Република Македонија презема обврски и во енергетскиот сектор за усогласување на националното законодавство со она на ЕУ, но и за либерализација и развој на пазарот на електрична енергија и негова интеграција во единствениот европски пазар.
Одржаниот Самит на Западен Балкан во Виена, Кучи го оцени како успешен бидејќи од него произлезе заедничка Декларација за воспоставување на регионалната канцеларија за соработка на земјите од Западен Балкан и Агенда за поврзување. Со Агендата, како што рече, се опфатени и т.н. меки енергетски мерки-мерки кои се однесуваат на формирање Берза за електрична енергија, мерки за прекугранично балансирање, мерки поврзани со регионална распределба на капацитети и вкрстени мерки.
На конференцијата учествуваа и министерот за животна средина и просторно планирање Башким Амети, заменик-министерот за одбрана Беким Максути, професори и експерти.
Министерот Амети стави акцент на климатските промени и нивното влијание врз енергијата, економијата и општеството. Според него, енергетската сигурност не може да се разгледува без земање предвид на долгорочните сценарија од промените на климата, особено заради поврзаноста меѓу производството на енергија од обновливите извори на енергија и хидропотенцијалот.
Според заменик-министерот Максути, за обезбедување енергетска сигурност потребно е поголема разнообразност на енергетските извори по видови и снабдувачи, како и активно учество на регионалниот енергетски пазар и европската енергетска заедница.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка