Комунални интервенции врз улиците и дрворедите во Битола
Комуналните јавни претпријатија „Комуналец“ и „Нискоградба“ вршат комунални интервенции врз улиците и дрворедите во Битола кои се видливо оштетени.
Од ЈП „Комуналев“-Битола информираат дека високата снежна покривка предизвика штети врз дрвјата и дрворедите на булеварите и улиците во градот.
-Деновиве интензивно ги расчистуваме паднатите поголеми и помали гранки кои беа скршени од снегот. За разлика од минатите години кога падна малку снег и брзо се стопи или исуши, годинава падна многу снег, остана подолго време и натежна на гранките кои лесно се кршат. Со цел да нема пречки и опасности при движењето на пешаците по тротоарите, но и во сообраќајот бидејќи дел од дрвјата надвиснуваат над улиците, вршиме кастрење на гранките и отстранување на сметот, информираа од битолски „Комуналец“.
Екипи на ЈП „Комуналец“ вршат и метење на тротоарите и улиците, додека пак екипи на ЈКП „Нискоградба“ вршат санирање на дупките на коловозите во Битола.
-Рехабилитацијата на сообраќајниците на кои има оштетувања и дупки ја вршиме со поставување камени коцки и ладна асфалтна маса. Крпењето на ударните дупки настанати поради поларните температури и мразеви во изминатиот период е програмска активност, планирана пред почетокот на зимската сезона која годинава беше проследена со ниски температури и многу снег. Оваа година на улиците низ градот фрливме 360 тони сол и исто толку кубни метри ризла, потврдија од ЈКП „Нискоградба“-Битола.
Комунални интервенции во Битола вршат и од ЈП „Пазари“ кои во двата продажни комплекси што се наоѓаат во централното градско подрачје и во Нова Битола ги уредија пристапните влезови и други површини од нивна надлежност.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари