Компаниите очекувааат подобрување на економската состојба

Негативните трендови и кризата годинава оставија одредени последици, но компаниите се оптимисти дека состојбите и движењата во економијата ќе се подобрат, е ставот на Стопанската комора на Македонија во врска со евидентираниот пад од 5,3 отсто на индустриското производство во август 2017 споредено со август 2016.

Како што изјави Билјана Пеева Ѓуриќ, директор во Комората, кумулативно има минимален пад од 0,1 отсто за осум месеци, во рударството 1,1 процент и во преработувачката индустрија 1,3 отсто.

- Но, за да се согледаат трендовите во економијата, многу е важен сегментот на преработувачката индустрија која во вкупното индустриско производство учествува со 83 проценти. Генерално, за осум месеци забележан е пад во секторот Рударство, а сепак тука нема никакви загрижувачки елементи. Се работеше на еден коп во РЕК „Битола“. Состојбите се одвиваа тековно и нормално. Во преработувачката индустрија, пак, секторски е евидентиран позначителен пад во производството на облека, кумулативно околу 17 отсто, но, според компаниите, на терен тој пад не е толку голем колку што покажуваат податоците, истакна Пеева Ѓуриќ, одговорајќи на новинарско прашање.