Комисијата за заразни болести ќе решава за нови можни рестриктивни мерки

Комисијата за заразни болести утрово ќе заседава за евентуални нови рестриктивни мерки кои би ги предложила до Владата.

„На состанокот ќе се анализираат трендовите и инциденцата по региони како и бројот на хоспитализирани. Засега не можам да ви кажам дали ќе имаме нова препорака до Владата или не“, истакна вчера министерот за здравство Венко Филипче.

Тој закажа прес-конференција во 11 часот на која ќе ги соопшти одлуките донесени на седницата.

Вчера дел од медиумите пишуваа дека постои можност за воведување карантин од 17 часот попладне до 05 часот наутро викендов, почнувајќи од петок до понеделник.