Комисијата за прашања на изборите и именувањата усвои неколку предлог-одлуки
Собраниската комисија за прашања на изборите и именувањата на денешната седница ги утврди предлог-одлуките за именување заменик-генерален секретар на Собранието на Република Македонија, за разрешување член на Државниот совет за превенција на детско престапништво и за избор на член на Државниот совет за превенција на детско престапништво.
На функцијата заменик - генерален секретар на Собранието на Република Македонија е предложен Неџбедин Ибраими, дипломиран правник.
На седницата беше истакнато дека Државниот совет за превенција на детско престапништво до Комисијата поднел иницијатива за престанок на мандат на Елена Талев, член на Државниот совет и претставник на Врховниот суд на Република Македонија поради неоправдано отсуство на повеќе од три седници континуирано.
Во врска со предлог-одлуката за избор на член на Државниот совет за превенција на детско престапништво, претседателот на Комисијата Зоран Илиоски истакна дека министерот за правда согласно Законот за правда за децата доставил Предлог за член на Државниот совет за превенција на детско престапништво како претставник на Министерството за образование и наука.
По разгледување на предлог-одлуките, тој информира дека по огласот за именување претседател, заменик-претседател и заменик-член на Комисијата за решавање жалби во областа на енергетиката, распишан од Собранието на 29 јули, не може да се утврди предлог за ниту едно место за кое се однесува огласот бидејќи, како што посочи, се пријавил само еден кандидат кој не ги исполнува условите.
Додаде дека е потребно Собранието, согласно Закон, да распише нов оглас.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово