Свет
1. February 2019 - 9:09

Комичарот Зеленски најпопуларен кандидат на претседателските избори во Украина

Актерот Владимир Зеленски според анкетите е најпопуларен кандидат за претседател на Украина, а забележан е и раст на рејтингот на актуелниот претседател Петро Порошенко.

Според резултатите од анкетата на Центарот за политички и економски истражувања Разумков, комичарот Зеленски, кој глумеше претседател во популарна телевизиска серија, има поголем рејтинг од Порошенко и поранешната премиерка Јулија Тимошенко.

Во анкетата учествуваа 6.000 испитаници, со можна грешка од 1,3 проценти.

И во други анкети Зеленски води, а неговиот рејтинг се движи од 19 до 23 отсто.

За високиот рејтинг на Зеленски придонесува и неговата популарност како телевизиска ѕвезда, но и разочараноста од актуелните лидери.