Колев: Македонија рамноправно да ги третира граѓаните кои се самоопределуваат како Бугари
Бугарите, кои живеат во Република Македонија, би можеле да бидат корисни во дијалогот меѓу Софија и Скопје, изјави за БНТ Петар Колев, лидер на Граѓанско демократската унија, јави дописникот на МИА од Софија.
Колев додаде дека со нивните конструктивни предлози може да дадат придонес кон решавање на спорот.
-Еден јасен сигнал би бил ако Република Македонија почне рамноправно да ги третира граѓаните на нејзина територија, која се самоопределуваат како Бугари.
Во Уставот на Република Македонија, додава тој, се набројани народите, кои живеат во земјата, но Бугарите не се присутни во највисокиот правен акт.
-Со оглед на тоа што Бугарите не се дел од него, не може да има судија Бугарин или обвинител Бугарин, ниту некој кој ќе биде ангажиран во армијата, како професионален војник. Тоа е едно од основните нарушувања на човековите права во насока на правото на работа и кариера, изјави Колев.
Тој се повика на изјавата на премиерот на Македонија Зоран Заев дека човековите права на сите граѓани во земјата се почитуваат.
Според Колев бугарскиот претседател Румен Радев е првиот бугарски државник, кој оценил дека искрено треба да биде слушнато мислењето за односите Софија-Скопје и од Бугарите, кои живеат во земјава.
Тој додаде дека Бугарите во Македонија очекуваат промена на Уставот во земјата, како и на законите, но и демократски попис на населението, во кој ниту еден граѓанин нема да биде подложен на репресии, ако се самоопредели како Бугарин.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка