Која од „Дисциплина кичме“ се разбуди од кома
Фронтменот на групата „Дисциплина кичме“ Душан Којиќ – Која се разбуди од кома, откако пред неколку дена беше хоспитализиран по претрпен мозочен удар.
„Пред неколку дена Која се разбуди од кома и полека се опоравува“, напиша на Твитер новинарот Галеб Никачевиќ.
Басистот, пејач, композитор и водач на рок групата „Дисциплина кичме“ Душан Којиќ Која (58) претрпе мозочен удар во Велика Британија, по што веднаш беше примен во тамошна болница, а лекарите го ставија во индуцирана кома со цел на мозокот да му се даде време за опоравување.
Која е присутен на музичката сцена четири децении, и тоа прво со групата „Шарло акробата“, а потоа и со „Дисциплина кичме“, која ја основаше во 1981 година. Познат е како автор на хитовите „Тата и мама“, „Сви за мном“, „Ја имам шарене очи“, „Немој да бацаш бетонске табле са врха твоје зграде“ и многу други, а ја компонираше и музиката за култниот филм „Како је пропао рокенрол“.
Последниот студиски албум Дисциплина кичме го објави во 2016 година, под наслов „Опет“.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар