„Коха“: Тачи го одолговлекува конституирањето на косовското Собрание
Косовскиот претседател Хашим Тачи го одолговлекува конституирањето на новоизбраното Собрание на Косово, со тоа што се уште не ја закажал конститутивната седница, иако Централната изборна комисија веќе ги објави конечните резултати од предвремените парламентарни избори одржани на 11 јуни, оценува приштинскиот весник „Коха“.
Според косовскиот Устав, конститутивната седница на новоизбраното Собрание ја свикува претседателот на Косово во рок од 30 дена по официјалното објавување на изборните резултати, што во конкретниот случај значи дека крајниот рок за одржување на заседанието е 7 август.
„Коха“ наведува дека од кабинетот на Тачи не одговараат на прашањата зошто се уште не е одреден датумот за одржување на конститутивната седница на Собранието.
Претходно, Тачи најави дека конститутивната седница на Парламентот ќе се одржи најдоцна до 10 јули, по што ќе му го додели мандатот за формирање нова влада на поранешниот премиер Рамуш Харадинај, чија коалиција освои најмногу пратенички места на изборите.
Според косовскиот Устав, доколку претседателот не ја закаже конститутивната седница во утврдениот рок од 30 дена по објавувањето на изборните резултати, пратениците можат да се состанат и самоиницијативно без одлука на шефот на државата.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок