Коѕијас во Белград: Србија му припаѓа на европското семејство
Меѓу Србија и Грција нема отворени прашања, порачаа денеска министрите за надворешни работи на двете земји Ивица Дачиќ и Никос Коѕијас, кои разговараа за продлабочување на соработката и зачувување на стабилноста во регионот.
Коѕијас на заедничка прес-конференција истакна дека Србија му припаѓа на европското семејство, затоа што е развиена држава и општество.
Според него, Грција ја чувствува одговорноста што ја има за стабилноста во регионот и соработува со Србија во тој поглед.
- Разгледавме продлабочување на соработката меѓу двете министерства и наше заедничко дејствување и соработка во ЕУ и каде што можеме да си помогнеме едни на други, рече Коѕијас.
Дачиќ и се заблагодари на Грција за поддршката која и ја дава на Србија за територијалниот интегритет и на ставот да не ја признава независноста на Косово.
На средбата меѓу српскиот престедател и Коѕиајс, Вучиќ го известил шефот на грчката дипломатија за проблемите и застојот во спроведувањето на Бриселскиот договор. Тие, меѓу другото, разговарале и за билатералната соработка, ситуацијата во регионот и европските интеграции на Србија.
Српскиот претседател и се заблагодарил на Грција за интересот кој го покажува за дијалогот меѓу Белград и Приштина. Тој истакна дека многу ја цени континуираната поддршка на Грција за суверенитетот и територијалниот интегритет на Србија.
Вучиќ истакна и дека полноправно членство во Европската унија е на врвот на надворешнополитичките приоритети на Србија и нагласи дека што побрза интеграција на сите земји од Југоисточна Европа во ЕУ е единствена реална гаранција за трајна и одржлива стабилизација на целиот регион.
Грчкиот министер Коѕијас нагласи дека од интерес на Грција е Србија да биде стабилна и да ја одржува стабилноста на регионот.
- На овој регион му треба соработка, заклучи шефот на грчката дипломатија.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април