Коѕиас во Тирана ќе биде пречекан со протести
Шефот на грчката дипломатија Никос Коѕиас, кој денеска треба да допатува во посета на Тирана, ќе биде пречекан со протести, организирани од здружението „Чамарија“, јави дописникот на МИА од албанската престолнина.
Како што соопшти здружението, тие ќе простестираат пред Министерството за надворешни работи.
- Министертството за надворешни работи на Грција продолжува со апсурдниот став дека прашањето за Чамите не постои. Ќе протестираме под мотото „Јас сум Албанец од Чамарија, јас постојам“ за време на средбата на министрите за надворешни работи на двете земји, наведуваат од здружението.
Чамите се насилно протерани Албанци од северниот дел на Грција.
Последната изјава деновиве на шефот н албанската дипоматија Дитмир Бушати и на премиерот Еди Рама во врска со прашањето за Чамите, а потоа и острата рекација од Атина, дека „прашањето за Чамите не постои и постојаното повторување на непостоечко прашање од официјалните албански власти не е во прилог на билатералните односи“ ги подигна тоновите меѓу двете држави.
Грчкото МНР, како што пренесоа албанските медуми, на многу јасен начин наведува дека „Чамите соработувале со фашистичкиот и нацистички окупатор и оти си заминале заедно со нив од Епир, во групи, следејќи ги непријателските сили, што за Тирана е невистина. Ваквата реакција наиде на остра осуда од повеќе асоциации и политички партии.
Албанските медиуми најавуваат дека Коѕиас доаѓа меѓу другото со барањето за решавање на морската граница меѓу двете земји, а неговиот домаќин Бушати со признавањето на прашањето на Чамите и враќање на нивниот имот во Грција.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени