Коѕиас на министерски состанок на НАТО во Брисел
Грчкиот министер за надворешни работи, Никос Коѕиас утре и задутре во Брисел ќе учествува на пролетниот состанок на министрите за надворешни работи на НАТО, во пресрет на самитот на 8 и 9 јули во Варшава.
Како што јави дописникот на МИА од Атина, меѓу прашањата за кои ќе се дискутира на собирот е и придонесот на НАТО во кризата со бегалците и мигрантите, проблемите со кои се соочува Турција и односите меѓу НАТО, ЕУ и Русија.
Во Грција се потсетува дека Црна Гора на состанокот првпат ќе учествува како набљудувач, со оглед на тоа што е потпишан релевантен протокол за пристапување.
Коѕиас на средби со колегите од Западен Балкан во неколку наврати зборуваше во корист на прием на земјите од регионот во НАТО, под услов секоја кандидатура да се разгледува одделно и да ги исполнува сите критериуми.
На состанокот ќе се дискутира и за односите меѓу НАТО и ЕУ, а ќе учествуваат и високиот претставник на Унијата за надворешни работи и безбедносна политика, Федерика Могерини и министрите за надворешни работи на Финска и Шведска.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово