Коѕиас му честиташе на Трамп
Грчкиот министер за надворешни работи Никос Коѕиас денеска му честиташе на новоизбраниот претседател на САД, Доналд Трамп.
- Грчката Влада има системски односи со двете партии, Демократската и Републиканската. Имавме разговори со тимот на Трамп за прашања од регионот, во септември минатата година на маргините на Генералното собрание на ОН. Грчката Влада и секоја грчка влада отсекогаш имала добри односи со САД и американскиот народ. Ние продолжуваме да имаме добри политички односи, изјави Коѕиас.
Тој додаде дека во Грција сега се чека американскиот претседател Барак Обама, кој, како што рече е „многу популарен“ во земјата.
- Средбата на претседателот Обама со премиерот Алексис Ципрас и грчката Влада ќе биде плодна, позитивна и продуктивна, истакна Коѕиас, кој во моментов е во официјална посета на Бејрут.
Американскиот претседател Обама ќе престојува во посета на Грција на 14 и 15 ноември.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари