Кочанските пожарникари имале трипати повеќе интервенции во февруари
Територијалната противпожарна единица од Кочани во февруари годинава имала 64 интервенции на терен, што е за трипати повеќе во споредба со истиот период во изминатите години.
Кочанските пожарникари велат дека со тоа поставиле сопствен неславен рекорд на месечно ниво, а најголем број од интервенциите биле за гаснење пожар на отворен простор, односно запалена слама и стрништа.
– Ниту нашите апели, ниту законските одредби и високите казни за лицата кои палат оган на отворено, не помагаат да се намали интензитетот на пожарите во полињата. Пред два дена во краток временски интервал моравме да интервенираме дури на пет различни локации, а во еден случај поради опасноста огнот да зафати неколку викендички, ангажиравме три возила и девет пожарникари, истакна Благој Паунов, командир на ТППЕ – Кочани.
Посебно загрижува зачестената појава, земјоделците да ги палат стрништата во текот на вечерните часови, за да го намалат ризикот да бидат откриени и казнети. Паунов нагласува дека тоа дополнително им го отежнува пристапот на пожарникарите до местото за интервенција, поради што е зголемена опасноста од пожари кај овошните и лозовите насади што се во близина.
Имено, минатата година ТППЕ – Кочани ја заврши со 338 интервенции, што е за една четвртина повеќе од претходниот едногодишен период и е рекорден број во споредба со просекот од изминатата деценија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово