Свет
25. February 2021 - 15:15

Клуге: СЗО и ЕК работат на донациите на вакцини за земјите на Балканот

Светската здравствена организација работи со Европската комисија за координирање на донациите на вакцини за коронавирус за други земји на континентот, изјави денеска директорот на Канцеларијата на СЗО за Европа, Ханс Клуге.

На прашањето за дозите за земјите на Балканот, Клуге на прес-конференцијата рече: „Ние тесно соработуваме … со Европската комисија на сите нивоа за прашањето на донациите“.

Тој додаде дека Австрија ќе ги координира овие донации.