Клубот на патувачи денеска го посети делчевскиот регион
Како дел од турите за алтернативен туризам, група од триесетина туристи, љубители на патувањата, денеска посетија неколку значајни туристички локалитети во делчевскиот регион.
Како што истакна Живко Јаневски од клубот на патувачи „Скопско туристичко лето“, целта на денешната посета на Делчево е откривање на нови дестинации кои можат да бидат ставени на туристичка мапа на Македонија.
-Овде сме втор пат. Минатата година посетивме повеќе локалитети, дел археолошки, дел природни убавини од каде очигледно е задоволството на нашите патувачи од она што го видоа. Морам да признаам дека постои огромен интерес за проширување на дестинацијата. Имате перспектива како град за туризам, можеби треба повеќе вложување, меѓутоа ентузијастички е сосем доволно, истакна Јаневски
Во рамки на посетата на делчевскиот регион, туристите го посетија локалниот музеј, планината Голак, езерото Сандански, тврдината Градиште како и манастирските комплекси Св.Илија и Св.Богородица Балаклија.
-Имавме пак посета од туристи од Скопје и тоа е добра работа за Делчево. Горди сме што туристите искажуваат задоволство од она што го видоа, истакна Ванчо Новоселски од ЕЛС Делчево, кој на посетителите им раскажа за постановките во делчевскиот музеј и неговото значење.
Следната активност за запознавање на природните убавини на делчевскиот регион ќе се реализира со две групи македонски туристи и гости од Бугарија.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца