Клоп не ги поднесува временските услови во Англија
Јирген Клоп го трансформираше Ливерпул во „сила“ во европскиот фудбал и постојано ја искажува љубовта кон англискиот клуб, меѓутоа, засега одбива да го продолжи договорот кој му трае до 2022 година. Според неговиот агент, главна причина за тоа е лошото англиско време.
Марк Козике, агентот кој го претставува Клоп, за „Спокс“ потврди дека Германецот ќе го исполни договорот, како што направи и во Мајнц и во Борусија Дортмунд, но дека засега нема да потпише нов договор. Главната причина е климата во северна Англија, каде што дождот и „мрачните“ облаци го расипуваат расположението.
„Додека работеше во Германија, Клоп ги избегнуваше мрачните утра и вечери со годишни одмори во текот на зимската пауза во Бундеслигата. Во Премиер лигата немаше пауза во текот на зимата и тогаш има најмногу натпревари. Лошото време го нервира Клоп. Се сеќавам дека Ливерпул побара продолжување на договорот во ноември или декември и им кажав да почекаат. Јирген и неговата сопруга Ула стануваат рано наутро, кога уште е темница и кога ќе се видат повторно пак е темница или е сиво и грми“, објаснува Козике.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари