Клиниките немаат пари за пациентите со Цистична фиброза

Детска клиника и пулмологија немаат пари во овогодишните буџети за набавка на современиот лек кој го бараат пациентите со Цистична фиброза. Министерот за здравство денеска на состанок со директорите на двете установи ќе бараат начин како да се обезбеди терапијата.

-Трикафтата засега според регистарот на пациенти е наменет за осум пациенти, но според нашите информации од двете клиники се работи за 65 пациенти. Трикафтата е составен од три лекови кои се во едно, но не значи дека сите пациенти треба сите три да ги добијат од еднаш, зависно од генетската предиспозиција треба да се даде и терапијата. Ја гледаме можноста дали еден дел од лекот кој веќе постои и се применува кај нас, дали може да продолжиме со едниот вид на лек кој е внесен во новиот Трикафта лек, изјави Беким Сали, министер за здравство.

Во меѓувреме од Асоцијацијата на пациенти со Цистична фиброза за 4 февруари точно напладне закажаа нов протест, овој пат пред Владата. Уште еднаш ќе побараат државата да им ја обезбеди новата модуларна терапија со која треба да имаат поквалитетен живот, а некои од пациентите да се спасат од смрт.

Според проценките на министерството за здравство, лекот  за еден пациент годишно чини околу 300.000 евра, а за сите 65 пациенти 20 милиони евра.