Клиничко испитување во САД покажа побрзо закрепнување со лекот „ремдесивир“
Пациентите со Ковид-19 кои го користеле лекот „ремдесивир“ закрепнале 30 проценти побрзо отколку оние на плацебо, покажуваат резултатите од големо американско клиничко испитување.
Тоа е првпат клиничко испитување, спроведено согласно златните правила на клиничките испитувања – тестирање на лек со контролна група и на доволно голем примерок, да покажа ефикасност на некој лек против новиот коронавирус.
Американскиот национален институт за алергија и заразни болести (НИАИД), кој го спровел истражувањето, објави дека пациентите кои користеле „ремдесивир“ закрепнале 31 отсто побрзо отколку оние на плацебо.
– Просечното време на опоравување кај пациентите третирани со ремдесивир беше 11 дена во споредба со 15 дена за оние во контролната група, соопшти институтот НИАИД.
Истражувањето покажало дека пациентите кои го земаат тој лек имаат помали шанси да починат, иако разликата била мала. Стапката на морталитет била осум проценти на „ремдесивир“, во однос на 11,6 отсто за плацебо групата.
Ново на Сител
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата