Ќе се прославува Свети Илија, патрониот празник на црквата во тетовска Лукојца
Патрониот празник Свети Илија на црквата во тетовското планинско село Луковица (Лукојца) е поводот голем број граѓани од многу градови да дојдат во ова речиси иселено село на планината Сува Гора на 2-ри август, Илинден. Селото се наоѓа на околу 1.000 метри надморска височина во рамки на општина Желино. Од црковниот одбор ги покануваат сите верници на заедничка прослава која секоја година ја организираат неколку кумови.
-Оние што потекнуваат од Лукојца живеат насекаде низ Македонија. Поради тешка пристапност до селото зашто дел од патот со децении е неасфалтиран, луѓето се преселнија освен во Тетово и Скопје и во другите градови, како и во Србија и западно-европските земји, вели Ацо Спасеновски од црковниот одбор.
На 2-ри август, Илинден, во манастирската црква „Свети Илија“ верниците може да присуствуваат на свечената црковна литургија со почеток 10 часот. Во 12 часот за сите гости кумовите на прославата организираат празничен ручек и народна веселба.
Минатата 2018 година во Луковица се освети параклисот посветен на Света Петка изграден на влезот во тетовското планинско село Луковица. Градењето на црковниот храм траеше 14 години, а со тоа селото доби трето православно светилиште, по црквите Свети Илија и Свети Георгиј.
Во црквата Света Петка во план е довршување на фрескоживописот, но и уредување на дворот со цел да собере поголем број на верници кои ќе сакаат да и оддадат почит на светицата.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.