Ќе се гради експресниот пат Ранковце-Крива Паланка
Пратеничката во Собранието на Република Македонија од ВМРО-ДПМНЕ од Крива Паланка Слаѓана Митовска најави неколку инфраструктурни проекти кои, како што рече, се од круцијална важност за жителите на овој град. Најзначаен меѓу нив е новиот експресен пат од Ранковце до Крива Паланка, во должина од 26 километри.
- Граѓаните на Крива Паланка ни ја додоа довербата и гласаа за ВМРО-ДПМНЕ и програмата „Реално“ зашто во неа препознаа реални капитални проекти кои се од исклучително значење за сите нив. Еден од тие проекти е експресниот пат Ранковце-Крива Паланка, во должина од 26 километри и широчина од 12,5 метри, со проценета вредност до 78 милиони евра. Станува збор за модерен пат со четири ленти, по две во двете насоки, со 22 мостови, 2 клучки, 9 натпатници и 13 пропусти. Изградбата на овој пат е значајна за жителите на Крива Паланка и Ранковце, како и за целиот североисточен регион и за сите кои транзитираат кон Република Бугарија зашто ќе обезбеди побрз и побезбеден сообраќаен проток, изјави Митовска.
Таа најави дека е планирана реконструкција на патниот правец Крива Паланка – граничен премин Деве Баир, во должина од 12 километри.
- Проценетата вредност на овој проект е околу 30 милиони евра. Опфаќа целосна рехабилитација на патниот правец, реконструкција на најкритичните делови од патот, проширување на делови од коловозот, ублажување на свиоците како и решавање на т.н. црни точки на овој патен правец, додаде Митовска. Потенцираше дека реализацијата на овие два проекти во вредност од над 100 милиони евра ќе значи и модернизација на коридорот 8.
Митовска најави и изградба и санација на локални патни правци во општината, меѓу кои патните правци до село Трново, од село Стамболици до месноста викана Крстата падина, пристапен пат од Мезовски ливади до село Градец.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората