Ќе се евакуираат 70.000 жители на Франкфурт поради бомба од Втората светска војна
Германската полиција в недела ќе изврши евакуација на околу 70.000 жители на Франкфурт поради демонтирањето на една неексплодирана бомба од Втората светска војна.
Масовната евакуација е означена како најголема таква операција во Германија по завршувањето на војната од пред 72 години.
Бомбата е британска и е тешка 1,4 тони и ја исфрлиле авионите на британското Кралско воено воздухопловство (РАФ) во текот на борбените операции над германската територија.
Бомбата која Британците ја нарекувале „блокбастер“ доколку експлодирала кога биле фрлена би уништила неколку квартови од Франкфурт.
Откриена е во близината на Универзитетот „Гете“ на околу 2,5 километри од строгиот центар на градот и неговата трговска зона.
Со планот на евакуацијата се опфатени и Универзитетот, Централната банка, како и болниците.
Експерти ги уверуваат граѓанте дека бомбета сега не претставува опасност.
Неексплодирани бомби често се откриваат низ Германија
Минатата сабота операција за евакуација на 20.000 луѓе беше изведена во Кобленц, а во мај годинава, околу 50.000 жители на Хановер беа евакуирани откако беа пронајдени три британски, неексплодирани бомби од Втората светска војна.
Ново на Сител
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно