Кипар прави ревизија на „златните пасоши“, утврдени илјадници неправилности
Државната ревизорска куќа на Кипар соопшти дека е можно да се издадени илјадници пасоши без соодветна дозвола, согласно условите од државната шема за „државјанство за инвестиции“, програма за која критичарите велат дека странците ја користат за криминал и перење пари.
Со инвестиција од најмалку два милиона евра, Кипар обезбедува пасош со кој се гарантира патување без визи низ Европската унија. Оваа шема е многу популарна меѓу граѓаните на Русија, Украина, Кина а, од неодамна, и на Камбоџа.
Кипарската ревизорска куќа, независно тело, соопшти дека во нејзината истрага се кажува дека владата ги пречекорила своите овластувања во давањето државјанство не само на поединци, туку и на нивните семејства.
„Овластувањата дадени на Советот на министри важат за странски деловни луѓе и инвеститори, а не за членови на семејствата“, се наведува во извештајот на ревизорите.
Британските медиуми наведуваат дека е можно да има илјадници такви случаи.
Од друга страна, кипарското Министерство за внатрешни работи, што е надлежно за издавање пасоши, ги обвинува ревизорите за пречекорување на нивните овластувања во истрагата.
Тоа, исто така, наведува дека ќе го сочека исходот од одделната истрага што ќе ја покрене државниот обвинител и потоа ќе реагира ако е тоа потребно.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти