Кипар и Египет потпишаа договор за размена на природен гас
Кипарскиот министер за енергетика Јоргос Лакотрипис и египетскиот министер за нафта Тарек ел Мола во Никозија денеска потпишаа договор за пренос на природен гас од средоземноморската островска држава до Египет, пренесува БТА.
Горивото ќе се пренесува од економската зона на Република Кипар до Египет по цевковод по дното на морето, јавува весникот „Филелефтерос".
- Го потпишавме првиот од неколкуте договори, неопходни за да се создаде една сигурна инвестициска рамка за пренос на природен гас од Кипар до Египет, изјави кипарскиот министер.
Египетскиот министер за нафта, исто така, изрази задоволство од потпишаниот договор, при што забележа дека и покрај тоа што Египет веќе има наоѓалиште за гас - „Зор", побарувачката за природен гас во земјата е се уште голема.
3апрашан - кога ќе започне доставата на гас за Египет, кипарскиот министер посочи планот засега го опфаќа периодот помеѓу 2020-2022 година.
- Кипарската влада се уште врши консултации со компаниите за убрзување на таа постапка, рече Лакотрипис.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми