Кинескиот претседател побара модернизација на вооружените сили
Кинескиот претседател Кси Џинпинг денеска побара националните вооружени сили да се опремат со модерни технологии, пренесоа британските медиуми.
Стимулирањето на научно-техничките иновации е клучот кон зголемување на можностите на Народоослободителната армија, образложи Кси Џинпинг во говорот пред воените делегати на годишната сесија на кинескиот Парламент.
Тој ја спомена важноста за подобрување на соработката со цивилните власти со цел да се обезбеди поефикасна обука на квалитетните воени кадри.
Под раководство на Џинпинг во тек е брзата модернизација на националните вооружени сили - најмногубројната армија во светот, забележуваат британските медиуми. Кина се здоби со „невидливи" (стелт) ловци, антисателитски ракети и модерни подморници, во својот стремеж да покажува сила.
Воените реформи во земјата, меѓутоа, имаат противоречен ефект. Во 2015 година Кси Џинпин соопшти дека 300.000 војници ќе бидат скрастрени. Во земјата во текот на последните месеци се регистрирани повеќе протести на поранешни војници, кои се жалат дека не добиваат поддршка.
Кинеските вооружени сили освен тоа се соземаат по кампањата против длабоко вкоренетата корупција - главниот приоритет на властите.
Кси Џинпин пред воените делегати кажа дека бил озбеден силен импулс и постигнат напредок во борбата против корупцијата.
Ново на Сител
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет