Кина воведе ограничување на информациите за „Панамските документи“
Кина воведе ограничување на објавувањето информации за скандалот поврзан со податоците за даночни затајување на панамската првна фирма „Мосак Фонсека“, позната како афера „Панамски документи“.
Како што јавија западните медиуми, пребарувањето на интернет на информации за тамата, како и на објави на социјалните мрежи во Кина е блокирано.
Вестите и информациите кои ги содржат зборовите „панамски документи“, излегуваат во пребарувачите, но не можат да се отворат за да се прочита нивната целосна содржина.
Се отвораат само неколку статии посветени на скандалот, во кои не се споменуваат лица поврзани со Кина.
Кинески таблоид „Глобал тајмс“ објави уреднички коментар во кој тврди дека зад објавувањето на документите стои “неидентификувана моќна сила“. Во написот се вели дека главни цели на скандалот се противниците од Западот, особено рускиот претседател Владимир Путин.
Во уредничкиот напис не се споменуваат имињата на Кинезите поврзани со аферата „Панамски документи“.
Вчера голем број медиуми во светот соопштија дека роднини на актуелни и поранешни кинески политичари и раководни кадри се вклучени во офшор бизнисот и имаат скриено богатство.
Само по себе чувањето пари во офшор компаниите не е противзаконско, но група истражувачки новинари усепеале да дојдат до документите на панамската фирма, кои претставуваат докази за прикривање богатство со цел избегнување на плаќање данок, за перење пари добиени преку трговија со дрога и за други финансиски кримнали.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација