Кина го поздрави прелиминарниот трговски договор со САД
Кина денеска позитивно го оцени првиот чекор во склучувањето трговски договор, со кој се намали интензитетот на трговската војна со САД.
Кинески експерти и медиуми, како и владини претставници, рекоа дека договорот ќе ја намали неизвесноста за компаниите, барем краткорочно. Сепак, тие задржаа одредена резерва, велејќи дека двете страни ќе треба да покажат подготвеност за компромис за да ги надминат подлабоките разлики меѓу нив.
– Во најмала рака, ситуацијата ќе се стабилизира и ќе ги постави темелите за следната рунда трговски преговори за идното укинување на дополнителните тарифи. Не можам да предвидам што може да се постигне во идните разговори, рече професорот по економија на Пекиншкиот универзитет Ту Синкуан.
Двете земји вчера објавија дека е постигната „прва фаза“ од договорот, според кој САД ќе ги намалат тарифите, а Кина ќе купува повеќе американски земјоделски производи. Договорот опфаќа и интелектуална сопственост, трансфер на технологија, финансиски услуги и решавање спорови.
Ново на Сител
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен