Кина блокираше дел од Јужното Кинеско Море поради воени вежби

Само неколку дена откако Судот за арбитража во Хаг го отфрли тврдењето на Кина дека полага право на целата територија на Јужното Kинескo Море, официјален Пекинг денеска соопшти дека дел од морето неделава ќе биде блокиран, поради воени вежби.

Поморската управа на кинескиот остров Хајнан ја извести јавноста дека пристапот кон водната површина југоисточно од оваа покраина ќе биде затворен до четврток. Кинеската морнарица и Министерството за одбрана не ја коментиираа ваквата одлука.

Оваа одлука е донесена за време на тридневната посета на командантот на поморските операции на САД, адмиралот Џон Ричардсон на Кина, на чија што агенда се разговори со неговите кинески колеги за спорот околу Јужното Kинескo Море и за билатералните односи меѓу армиите на двете земји.

Кина уште веднаш ја отфрли пресудата на Хашкиот трибунал донесена минатиот вторник. Процесот пред Судот го иницираа Филипините, а Пекинг одби да учествува во арбитражата.