Ким Џонг-ун подготвен за дијалог со Токио
Севернокорејскиот лидер Ким Џонг - ун изрази подготвеност за дијалог со Јапонија за време на средбата со јужнокорејскиот претседател Мун Џае-ин, соопшти денеска кабинетот на јужнокорејскиот претседател.
- Откако Мун му кажал на Ким дека јапонскиот премиер Шинѕо Абе е подготвен да разговара со Северна Кореја, Ким одговорил дека неговата земја исто така е подготвена да го стори тоа, се додава во соопштението.
Претходно Мун разговарал со Абе за да го информира лично за разговорите со Ким.
Абе на прес-конференција во Токио изјави дека Ким и Мун разговарале и за прашањето за киднапираните јапонски државјани од Северна Кореја во 1970-тите и 1980-тите.
Јапонскиот премиер исто така рече дека сака да му се заблагодари на Мун за тоа што за време на разговорите со Ким го поставил прашањето за киднапираните Јапонци. Абе додаде дека Мун му предложил решавање на прашањето, но не кажа како одговорил севернокорејскиот лидер.
- Не можам да дадам детали, рече јапонскиот премиер. Решавањето на тоа прашање е негов приоритет.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи