Кикиљас: Мнозинството од грчкото општество е против владата за скопското прашање
Мнозинството од грчкото општество е наспроти владата за скопското прашање, наспроти начинот на кој преговара министерот за надворешни работи Никос Коѕијас со тајна дипломатија по наредба на Алексис Ципрас, додека пак Панос Каменос не се согласува, вели одговорниот за одбрана во опозициската Нова демократија, Василис Кикиљас, говорејќи во утринска емисија на грчката телевизија „Антена“.
Како што јави дописникот на МИА од Атина, Кикиљас смета дека шефот на грчката дипломатија денеска во Скопје ќе разговара за нешто за што не се согласуваат Грците.
- Со тајна дипломатија се обидува да го реши скопското прашање, без претходно нашите соседи да се согласат да го променат нивниот Устав, нивните учебници, нивните лични карти, нивните пасоши, продолжувајќи со иредентизмот, а владата и опозицијата во Скопје продолжуваат со изјави и политички потези кои што ја напаѓаат нашата Македонија, вели пратеникот од Нова демократија.
Според Кикиљас, во некој момент, треба да се најде решение, „но врз основа на условите што ги поставува грчкото општество и Нова демократија“.
Ново на Сител
-
Вакцините на АстраЗенека и Фајзер го намалуваат ризикот од хоспитализација за 80 отсто
-
Василевска: Пописот нема да биде одраз на реалноста, туку на политички договор
-
Угостителите и Владата не постигнаа договор
-
Синот на Сулејман Реџепи е ранетиот полицаец во кого попладневно беше пукано од возило во движење
-
Радев на состанок во шефовите на бугарските специјални служби заради „повреда на правата на Бугарите во Македонија“
-
Украински лекари не се вакцинираа против Ковид-19, па вакцините мораа да бидат фрлени
-
Медицинскиот дел од Кризниот штаб во Србија предложи полициски час и забрана за контакти
-
ЕУ воведува санкции против четворица високи руски претставници поради Навални