„Катимерини“: Преговори за засилено американско воено присуство во Грција
Атина и Вашингтон разгледуваат можности за понатамошна билатерална соработка во сферата на обраната, што би вклучувало засилено американско воено присуство во Грција, објави атинскиот весник „Катимерини“.
Според весникот, тоа „засилено присуство“ би вклучувало распоредување на американски ракетни системи во Грција и стационирање на беспилотни летала и авиони – танкери на Военото воздухопловство на САД во базата близу Лариса.
Покрај ова, се разгледува можноста и за поголемено учество на американски војници во вежби на грчката армија, вклучително и зголемување на обемот на заедничките воени маневри „Иниохос“.
Во рамките на ваквата соработка Атина се надува и на зголемено присуство на американски воени бродови во грчките пристаништа во Егејското Море.
Најавата за интензивирање на грчко – американската воена соработка доаѓа во време на зголемени тензии меѓу САД и грчкиот регионален ривал Турција, поради одлуката на Анкара за набавка на руски противвоздушни ракетни системи С-400.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица