Катар ги обнови дипломатските односи со Иран
Катар ги обнови своите дипломатски односи со Иран и покрај силниот притисок од други четири арапски држави, кои бараат од властите во Доха да ги прекинат сите врски со Исламската Република.
Катарската влада во 2016 година го отповика својот амбасадор од Техеран, откако во Иран беа нападнати саудиските дипломатски мисии, како реакција на егзекуцијата на еден истакнат шиитски верски водач во Саудиска Арабија.
Доха сега сака зацврстување на билатералните односи со Техеран на, како што е речено, „сите полиња“.
Иран веќе му помага на Катар полесно да се справи со трговските и патните ограничувања кои во јуни годинава ги воведоа катарските моќни соседи - Саудиска Арабија, Бахреин, Обединетите Арапски Емирати и Египет.
Овие арапски, доминантно сунитски држави, го обвинуваат Катар за поддршка на разни терористички групи во регионот, како и за тоа дека е премногу близок со шиитски Иран.
Во соопштението на катарската влада не се наведува кога амбасадорот на Катар ќе се врати во Техеран, освен што се открива дека одлуката за обнива на односите меѓу Доха и Техеран била соопштена веднаш по телефонскиот разговор меѓу министрите за надворешни работи на двете соседни земји.
Ново на Сител
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи
-
Пленковиќ преговара со десницата мнозинство во хрватскиот парламент
-
„Епл“ го отстрани „Телеграм“ од својата интернет-продавница за Кина
-
Д-р Беќаровски заминува од Клиниката за токсикологија
-
ЈСП: Јавниот превоз утре по неделен возен ред, жичницата на Водно нема да работи