Кашоги планирал книга за една нова Саудиска Арабија инспирирана од американскиот систем
Новинарот и колумнист на весникот „Вашингтон пост“ Џамал Кашоги, подготвувал книга за визијата на една нова Саудиска Арабија, инспирирана од американскиот систем, јави агенцијата Анадолија.
Американскиот весник наведува дека Кашоги неколку месеци пред убиството работел на книга за реформи во Саудиска Арабија, која наликува на книгите кои се познати како „отворање очи“.
Во колумната на Дејвид Б.Отавеј се наведува дека Кашоги планирал на книгата да ѝ го даде насловот „САД за Саудијците“ или „Поедноставена Америка за Саудијците“.
Планот бил на едноставен начин на саудиските читатели да им го објасни американскиот живот и на Арапите воопшто. Фокусот требало да биде на школувањето, реформите во образованието и контролата на јавните средства.
Џамал Кашоги, новинар и колумнист на весникот „Вашингтон пост“, беше убиен на 2 октомври мината година во саудискиот Конзулат во Истанбул.
Турското Обвинителство откри дека тој е брутално задавен по влегувањето во Конзулатот и оти неговото тело е распарчено и уништено.
Властите на Саудиска Арабија дополнително признаа дека Кашоги е убиен и оти не го напуштил Конзулатот, како што првично тврдеа. Потоа поднесоа обвинение против 11 осомничени за убиство, а тамошното Обвинителство побара изрекување на смртни казни за петмина првообвинети, потсетува Анадолија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово