Карамарко: „Мост“ се обидува да ја турне Владата со помош на СДП
Претседателот на ХДЗ и прв потпретседател на хрватската Влада, Томислав Карамарко, денеска ја обвини малцинската коалициска партија „Мост“ дека, заедно со СДП, се обидуваат да ја урнат сегашната Влада и на власт да го вратат Зоран Милановиќ. Од тие причини, тој порача дека нема да дозволи нему или на ХДЗ да им пресудуваат партиски судови.
Хрватската Влада вчера, со мнозинство гласови, му изгласа доверба на Карамарко, додека министрите од независната листа на „Мост“ и нивниот лидер Божо Петров беа за изгласување недоверба.
Карамарко на изборното собрание на ХДЗ рече дека Владата во која ХДЗ е главната партија се обидуваат да ја урнат оние на кои устата им е полна со реформи, но само декларативно, пренесе Хина.
Тој рече дека ХДЗ има разбирање за „Мост“, но дека Хрватска нема време за чекање ни за исцрпување со уште едни избори и дека на земјата и треба силна и одлучна влада.
Во меѓувреме Владата на својот сајт го објави образложението зошто ги одбива сите наводи од Предлогот за покренување на прашањето за доверба за Карамарко и на Хрватскиот сабор му предлага да го направи истото, наведе Хина. Во образложението се истакнува дека е неосновано да се бара политичка одговорност од Карамарко врз основа на „неточни и паушални“ наводи.
Владата наведува дека евентуалната одговорност на Карамарко треба да се утврди пред надлежните тела заради што Карамарко самиот од Поверенството за спречување на судир на интереси побара покренување постапка.
СДП на 18 мај на Саборот му предаде предлог за покренување на прашање за доверба за Карамарко заради неговата улога во таканаречната афера по повод деловната соработка на неговата сопруга со лобистот на компанијата „Мол“ Јосип Петровиќ.
Ново на Сител
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата