Карамарко: Хрватска нема да ја блокира Србија на патот кон ЕУ
Првиот потпретседател на хрватската Влада Томислав Карамарко изјави денеска дека Хрватска нема да ја блокира Србија за влез во ЕУ, бидејќи сака да развива добри односи со соседните држави, но дека Србија мора да ги исполни сите услови за членство.
- Србија мора да ги задоволи стандардите наметнати од ЕУ, кои мораат да се усвојат меѓу макотрпни преговори. Се зависи од Србија, изјави Карамарко пред новинарите во Риека.
Како што пренесува агенцијата Хина, тој рече дека Хрватска посакува границите на ЕУ да се поместат на исток, што значи членство на Србија и Босна и Херцеговина, но повтори дека мора да се исполнат условите.
На прашањето дали може поглавјето 23 да биде првата пречка за Србија, Карамарко одговори дека „Србија не може да фигурира како мини Хаг“.
Хрватски функционери во последните денови повеќе пати напоменаа дека преговарачките мерила за Србија треба да бидат целосна соработка со Хашкиот Трибунал, укинување на надлежноста за процесуирање на воените злосторства на цела поранешна Југославија, како исполнување на обврските од меѓународниот договор за правата на малцинствата.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок