Караџиќ бара праведна, а не „очекувана “ пресуда
Поранешниот претседател на Република Српска, Радован Караџиќ, од Апелацискиот совет на Меѓународниот трибунал побарал да му ја преиначи пресудата од 40 години затвор за геноцид и злосторства против човештвото за време на војната во Босна од 1992-1995 година, и да му изрече праведна одлука, пренесе Танјуг.
Во својот одговор на жалбата на обвинителството, напишан на 109 страници, Караџиќ го повикува Апелацискиот совет да го направи „тоа што е правилно и праведно, а не тоа што се очекува“.
Во документот Караџиќ посочува дека процесот против него бил „нечесен“ и довел до грешни заклучоци во пресудата.
Според неговите тврдења, обвиненијата на обвинителството биле неточни и затоа пресудата е незаконска.
Претходно, Караџиќ побара Апелацискиот совет да ја отфрли жалбата на обвинителството, кое побара неговата пресуда да биде сменета на доживотен затвор.
Радован Караџиќ во март 2016 година беше осуден. На почетокот на декември 2016 година, обвинителството ја обжали пресудата и побара таа да се смени во казна доживотен затвор. Караџиќ, исто така, се жалеше, оспорувајќи ги тврдењата на обвинението и побара ослободителна пресуда.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми