Канадските фудбалери одбија да играат пријателски натпревар и бараат смена на раководството на федерацијата

Фудбалерите на канадската репрезентација вчера, на ден пред пријателскиот натпревар против Панама објавија апел до Канадската фудбалска асоцијација, во кој зборуваат за нивните барања.

– Време е да се залагаме за иднината на фудбалот во Канада. Сакаме да работиме заедно со нашата организација, но односот е затегнат многу години. Сега Канадската фудбалска асоцијација покажа непочитување кон нашиот тим и ги загрози нашите напори да ги подигнеме стандардите и ефективно да ја развиеме играта во Канада стои во апелот на канадските репрезентативци.

Фудбалерите одбија да го одиграат натпреварот кој беше закажан за ноќеска во 1 часот по македонско време.

Канадските репрезентативци бараат промена на раководството на Канадската фудбалска асоцијација и компензација за трошоците во вид на 40% од паричната награда за учество на Светското првенство во Катар.