Каменос: Македонија е една и грчка
Не прифаќаме ниту Северна, ниту Јужна, ниту Источна, ниту Западна Македонија, затоа што Македонија е една и грчка, вели лидерот на Независни Грци и коалиционен партнер во грчката Влада, Панос Каменос и уште еднаш го повтори неговиот цврст став од кој, како што вели, не отстапува. Паралелно, рече дека предуслов за решение е промена на македонскиот Устав.
- За името на Македонија е јасна позицијата на Независни Грци. Не прифаќаме ниедно решение што ќе го содржи името Македонија. Ниту Северна, ниту Јужна, ниту Источна, ниту Западна Македонија. Македонија е една и грчка, Македонија како што ја опиша Константинос Караманлис. На ред е ПЈРМ, Скопје, да направи уставни промени. Ајде да видиме. Грција има направено доста чекори. Секако дека сакаме решение, без давање на терминот Македонија. Промената на Уставот е предуслов за било кое друго решение, вели Каменос.
Како што јави дописникот на МИА од Атина, лидерот на Независни Грци рече дека во владата „постојат теми кои јавно се разјаснети дека не може да се сменат позициите ниту на едната ниту на другата партија“. Но, потенцираше дека коалициската влада, ќе стигне до крајот на мандатот.
Панос Каменос, како што вчера објави МИА, денеска ќе се сретне со Алексис Ципрас. Состанокот на двајцата коалициони партнери, ја најави портпаролот на грчката влада, Димитрис Ѕанакопулос, а главна тема ќе биде случајот со двајцата грчки војници уапсени кај Еврос на турска територија.
Со оглед на тоа дека оваа средба е на само неколку дена пред посетата на Коѕијас на Скопје, останува енигма дали двајцата коалициони партнери на нивниот состанок ќе го споменат и прашањето за името.
Ново на Сител
-
Димитриевски победи во Куманово, Таравари во Гостивар, а Јакимовски загуби во Карпош
-
Пасоши на воено способните Украинци ќе се издаваат само во земјата
-
Столтенберг во дводневна посета на Германија
-
Сообраќајот тековно, по наместа влажни коловози
-
Променливо облачно со повремен дожд
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување