Како мажите ја замислуваат мастурбацијата на жените

Мажите обожаваат да ги замислуваат жените како мастурбираат врз основа на сцените што ги виделе во порнофилмовите. А кога би можеле да ги видат, тогаш сето она што го сонуваат ќе исчезне во истиот момент.

Во вагината ставаат сè и сешто

„Едно момче ме праша кога мастурбирам дали ја користам статуата на Ајфеловата кула која ја чувам на полицата со книгите. Во тој момент се зачудив и го прашав како го замислува тоа. Тој ми објасни дека доколку тој би бил женско, константно би ставал разни предмети во вагината”, раскажала читателка на порталот TheFrisky.com и додала дека единственото за кое размислувала во тој момент е каква инфекција би можела да добие доколку навистина го користи тој предмет при мастурбација. Жените мастурбираат со прсти или со цврст вибратор.

Секогаш мастурбираат голи или во сексапилна долна облека
Мажите сакаат кога жените се голи, но тоа не значи дека тие соблекуваат за себе. Во текот на мастурбацијата, некои можеби и го гледаат своето тело, но сигурно не изведуваат стриптиз. Тие го прават тоа најчесто во пижами пред спиење за да заспијат полесно, или рано наутро за да можат побрзо да станат.

Жените ги возбудува самиот поглед кон пенисот
Жените го сакаат пенисот во текот на односoт, но додека замислуваат некоја еротска сцена што ги возбудува, најчесто размислуваат за сопственикот на пенисот, а не за самиот пенис.

Жените мастурбираат во друштво на пријателки
Ова е најапсурдната предрасуда! Жените никогаш не мастурбираат во друштво. Тоа е интимна работа што ја прават сами или пред партнерот.

Жените ги галат своите гради додека мастурбираат
Можеби има некои девојки што ги галат своите гради додека мастурбираат, но тоа е вистинска реткост.

Жените имаат потреба да мастурбираат секој ден
Сексуалната желба кај жените доаѓа и си заминува во фази. Понекогаш се самозадоволуваат повеќе пати дневно, а понекогаш со недели немаат никакви потреби за сексуално задоволување.

Додека мастурбираат, жените гледаат фотографии од секси мажи или жени
Кај жените во повеќето случаи сè е во главата. Ретки се оние што во текот на мастурбацијата гледаат порнофилмови или разгледуваат списание.

Жените сакаат да се гледаат во огледало или да стојат на прозорец додека мастурбираат
Иако мажите неверојатно ги возбудува глетката кога жената мастурбира на прозорецот под кој тие ќе поминат, во реалноста не е така. Ретки се тие жени што ги возбудува кога некој странец ги гледа додека тие мастурбираат.

Жените секогаш ги ставаат прстите во вагината
Некои девојки го прават тоа, но некои користат вибратори. Сепак, најчесто жените во текот на мастурбацијата го тријат клиторисот и притоа ништо не ставаат во вагината.

Жените сметаат дека е многу возбудливо да мастурбираат под туш
Мажите мислат дека жените сакаат да се самозадоволуваат под туш бидејќи тие тоа го прават најчесто таму. Но на жените не им е најудобно да мастурбираат стоејќи, тие сакаат да го прават тоа кога им е удобно и додека лежат во кревет.