Кај вработен во КПУ Идризово најдена марихуана
Скопското јавно обвинителство поведе постапка против надзорник од КПУ Идризово, кај кого вчера е пронајдено марихуана, а при претрес во неговиот дом и девет парчиња муниција.
Основното јавно обвинителство-Скопје денеска соопшти дека повеле постапка против едно лице за сторено кривично дело „неовластено производство и пуштање во промет на наркотични дроги, психотропни супстанции и прекурсори“ од чл.215 и „недозволено изработување, држење и тргување со оружје или распрскувачки материи“ од чл.396 од Кривичниот законик.
При редовна контрола и личен претрес на лицето вработено како надзорник во КПУ Идризово, вчера во неговите лични работи пронајдено е топчесто пакување налепено со селотејп трака за кое при вештачењето е утврдено дека се работи за марихуана. При извршениот претрес во домот на осомничениот покрај количество на марихуана, пронајдени се и 9 парчиња на муниција.
Надлежниот јавен обвинител од Основното јавно обвинителство- Скопје издаде Наредба за поведување на истражна постапка и до судијата на претходна постапка достави Предлог за определување на мерка Притвор. Предлогот е прифатен и со Решение на осомничениот му е определена мерка притвор во траење од 30 дена.
Ново на Сител
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост